ye barf-posh manazir bhi shoala-KHu nikle

ye barf-posh manāzir bhī sho.ala-ḳhū nikle

ye kab huā ki dharo paañv to lahū nikle

vo jab bhī aate haiñ sūraj ke rath pe aate haiñ

ye is liye ki kisī kī na aarzū nikle

hujūm itnā ho jis kā na ho shumār ki jab

mirī kitāb kā parcham banā ke tū nikle

jhapakte dekhīñ kisī ne na muntazir āñkheñ

ye chaak vo haiñ jo begāna-e-rafū nikle

naqāb tābish-e-jalva se aab aab huā

ki jaise dhuup meñ koī kinār-e-jū nikle

hujūm-e-bāda-kashāñ meñ bhī ham ne dekhā hai

bahut se log hamesha hī bā-vazū nikle

halāk hotā hai kab koī dūsroñ ke liye

kiyā jo ġhaur to ham apne hī adū nikle

ye mere jazb-e-nihāñ kā hai mo.ajaza shāyad

ki dil meñ jhāñk ke dekhūñ to tū hī tū nikle

ye hai bahār ki charba bahār kā 'ḳhāvar'

ki dhund oḌh ke ushshāq-o-ḳhūb-rū nikle

ye barf-posh manazir bhi shoala-KHu nikle

ye kab hua ki dharo panw to lahu nikle

wo jab bhi aate hain suraj ke rath pe aate hain

ye is liye ki kisi ki na aarzu nikle

hujum itna ho jis ka na ho shumar ki jab

meri kitab ka parcham bana ke tu nikle

jhapakte dekhin kisi ne na muntazir aankhen

ye chaak wo hain jo begana-e-rafu nikle

naqab tabish-e-jalwa se aab aab hua

ki jaise dhup mein koi kinar-e-ju nikle

hujum-e-baada-kashan mein bhi hum ne dekha hai

bahut se log hamesha hi ba-wazu nikle

halak hota hai kab koi dusron ke liye

kiya jo ghaur to hum apne hi adu nikle

ye mere jazb-e-nihan ka hai moajaza shayad

ki dil mein jhank ke dekhun to tu hi tu nikle

ye hai bahaar ki charba bahaar ka 'KHawar'

ki dhund oDh ke ushshaq-o-KHub-ru nikle