ye be-kas-o-be-qarar chehre
ye be-kas-o-be-qarār chehre
sadiyoñ ke ye sogvār chehre
miTTī meñ paḌe damak rahe haiñ
hīroñ kī tarah hazār chehre
le jā ke inheñ kahāñ sajā.eñ
ye bhuuk ke shikār chehre
africa-o-asia kī zīnat
ye nādir-e-rozgār chehre
khoī huī azmatoñ ke vāris
kal raat ke yādgār chehre
ġhāze se safed mai se rañgīñ
is daur ke dāġhdār chehre
guzre haiñ nigāh-o-dil se ho kar
har tarah ke be-shumār chehre
maġhrūr anā ke ghoñsle meñ
baiThe hue kam-ayār chehre
qābil-e-iltifāt āñkheñ
nā-qābil-e-e'tibār chehre
in sab se hasīn-tar haiñ lekin
rindoñ ke gunāhgār chehre
ye be-kas-o-be-qarar chehre
sadiyon ke ye sogwar chehre
miTTi mein paDe damak rahe hain
hiron ki tarah hazar chehre
le ja ke inhen kahan sajaen
ye bhuk ke shikar chehre
africa-o-asia ki zinat
ye nadir-e-rozgar chehre
khoi hui azmaton ke waris
kal raat ke yaadgar chehre
ghaze se safed mai se rangin
is daur ke daghdar chehre
guzre hain nigah-o-dil se ho kar
har tarah ke be-shumar chehre
maghrur ana ke ghonsle mein
baiThe hue kam-ayar chehre
qabil-e-iltifat aankhen
na-qabil-e-e'tibar chehre
in sab se hasin-tar hain lekin
rindon ke gunahgar chehre
- Book : Kulliyat-e-Ali Sardar Jafri Vol.II (Pg. 482)
- Author : Ali Ahmad Fatmi
- Publication : Qaumi Council Baray-e-farog Urdu Zaban, New Delhi (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
