aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye bhi mumkin hai ki aankhen hon tamasha hi na ho

Zafar Iqbal

ye bhi mumkin hai ki aankhen hon tamasha hi na ho

Zafar Iqbal

MORE BYZafar Iqbal

    ye bhī mumkin hai ki āñkheñ hoñ tamāshā na ho

    raas aane lage ham ko to ye duniyā na ho

    kahīñ nikle koī andāza hamārā bhī ġhalat

    jānte haiñ use jaisā kahīñ vaisā na ho

    ho kisī tarha se maḳhsūs hamāre liye

    yaanī jitnā nazar aatā hai vo utnā na ho

    TakTakī bāñdh ke maiñ dekh rahā huuñ jis ko

    ye bhī ho saktā hai vo sāmne baiThā na ho

    vo koī aur ho jo saath kisī aur ke hai

    asl meñ to vo abhī lauT ke aayā na ho

    ḳhvāb-dar-ḳhvāb chalā kartā hai āñkhoñ meñ jo shaḳhs

    DhūñDne nikleñ use aur kahīñ rahtā na ho

    chamak uTThā ho abhī rū-e-bayābāñ ik dam

    aur ye nazzāra kisī aur ne dekhā na ho

    kaifiyat koī paanī ne badal ho kahīñ

    ham jise dasht samajhte haiñ vo dariyā na ho

    mas.ala itnā bhī āsān nahīñ hai ki 'zafar'

    apne nazdīk jo sīdhā hai vo ulTā na ho

    ye bhi mumkin hai ki aankhen hon tamasha hi na ho

    ras aane lage hum ko to ye duniya hi na ho

    kahin nikle koi andaza hamara bhi ghalat

    jaante hain use jaisa kahin waisa hi na ho

    ho kisi tarha se maKHsus hamare hi liye

    yani jitna nazar aata hai wo utna hi na ho

    TakTaki bandh ke main dekh raha hun jis ko

    ye bhi ho sakta hai wo samne baiTha hi na ho

    wo koi aur ho jo sath kisi aur ke hai

    asl mein to wo abhi lauT ke aaya hi na ho

    KHwab-dar-KHwab chala karta hai aankhon mein jo shaKHs

    DhunDne niklen use aur kahin rahta hi na ho

    chamak uTTha ho abhi ru-e-bayaban ek dam

    aur ye nazzara kisi aur ne dekha hi na ho

    kaifiyat hi koi pani ne badal li ho kahin

    hum jise dasht samajhte hain wo dariya hi na ho

    masala itna bhi aasan nahin hai ki 'zafar'

    apne nazdik jo sidha hai wo ulTa hi na ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now