ye charagh be-nazar hai ye sitara be-zaban hai
ye charāġh be-nazar hai ye sitāra be-zabāñ hai
abhī tujh se miltā-jultā koī dūsrā kahāñ hai
vahī shaḳhs jis pe apne dil-o-jāñ nisār kar duuñ
vo agar ḳhafā nahīñ hai to zarūr bad-gumāñ hai
kabhī pā ke tujh ko khonā kabhī kho ke tujh ko paanā
ye janam janam kā rishta tire mere darmiyāñ hai
mire saath chalne vaale tujhe kyā milā safar meñ
vahī dukh-bharī zamīñ hai vahī ġham kā āsmāñ hai
maiñ isī gumāñ meñ barsoñ baḌā mutma.in rahā huuñ
tirā jism be-taġhayyur mirā pyaar jāvedāñ hai
unhīñ rāstoñ ne jin par kabhī tum the saath mere
mujhe rok rok pūchhā tirā ham-safar kahāñ hai
ye charagh be-nazar hai ye sitara be-zaban hai
abhi tujh se milta-julta koi dusra kahan hai
wahi shaKHs jis pe apne dil-o-jaan nisar kar dun
wo agar KHafa nahin hai to zarur bad-guman hai
kabhi pa ke tujh ko khona kabhi kho ke tujh ko pana
ye janam janam ka rishta tere mere darmiyan hai
mere sath chalne wale tujhe kya mila safar mein
wahi dukh-bhari zamin hai wahi gham ka aasman hai
main isi guman mein barson baDa mutmain raha hun
tera jism be-taghayyur mera pyar jawedan hai
unhin raston ne jin par kabhi tum the sath mere
mujhe rok rok puchha tera ham-safar kahan hai
- Book : Junoon (Pg. 35)
- Author : Naseem Muqri
- Publication : Naseem Muqri (1990)
- Edition : 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
