ye dair-e-kuhan kya hai ambar-e-KHas-o-KHashak

ye dair-e-kuhan kyā hai ambār-e-ḳhas-o-ḳhāshāk

mushkil hai guzar is meñ be-nāla-e-ātishnāk

naḳhchīr-e-mohabbat kā qissa nahīñ tūlānī

lutf-e-ḳhalish-e-paikāñ āsūdgi-e-fitrāk

khoyā gayā jo matlab haftād o do millat meñ

samjhegā na tū jab tak be-rañg na ho idrāk

ik shar-e-musalmānī ik jazb-e-musalmānī

hai jazb-e-musalmānī sirr-e-falak-ul-aflāk

ai rahrav-e-farzāna be-jazb-e-musalmānī

ne rāh-e-amal paidā ne shāḳh-e-yaqīñ namnāk

ramzīñ haiñ mohabbat kī gustāḳhī o bebākī

har shauq nahīñ gustāḳh har jazb nahīñ bebāk

fāriġh to na baiThegā mahshar meñ junūñ merā

yā apnā garebāñ chaak yā dāman-e-yazdāñ chaak

ye dair-e-kuhan kya hai ambar-e-KHas-o-KHashak

mushkil hai guzar is mein be-nala-e-atishnak

naKHchir-e-mohabbat ka qissa nahin tulani

lutf-e-KHalish-e-paikan aasudgi-e-fitrak

khoya gaya jo matlab haftad o do millat mein

samjhega na tu jab tak be-rang na ho idrak

ek shar-e-musalmani ek jazb-e-musalmani

hai jazb-e-musalmani sirr-e-falak-ul-aflak

ai rahraw-e-farzana be-jazb-e-musalmani

ne rah-e-amal paida ne shaKH-e-yaqin namnak

ramzin hain mohabbat ki gustaKHi o bebaki

har shauq nahin gustaKH har jazb nahin bebak

farigh to na baiThega mahshar mein junun mera

ya apna gareban chaak ya daman-e-yazdan chaak