ye daur guzra kabhi na dekhin piya ki ankhiyan KHumar-matiyan

ye daur guzrā kabhī na dekhīñ piyā kī añkhiyāñ ḳhumār-matiyāñ

kahe the mardum sharābī un kuuñ nikal ga.iiñ apnī de ġhalatiyāñ

sivā.e gul ke vo shoḳh añkhiyāñ kisī taraf ko nahīñ haiñ rāġhib

to barg-e-nargis upar bajā hai likhūñ jo apne sajan kuuñ patiyāñ

sanam kī zulfāñ ko hijr meñ ab ga.e haiñ mujh nain haiñ ḳhvāb rāhat

lage hai kāñTā nazar meñ sonā kaTeñgī kaise ye kaalī ratiyāñ

jo sham.a-rū ke do lab haiñ shīrīñ to sabza-e-ḳhat bajā hai us par

zamīn pakḌī hai tūtiyoñ ne sunīñ jo mīThī piyā kī batiyāñ

ḳhayāl kar kar bhaTak rahā huuñ nazar jo aa.e tevar haiñ bāñke

banāo bantā nahīñ hai 'nājī' jo us sajan ko lagā.ūñ chhatiyāñ

ye daur guzra kabhi na dekhin piya ki ankhiyan KHumar-matiyan

kahe the mardum sharabi un kun nikal gain apni de ghalatiyan

siwae gul ke wo shoKH ankhiyan kisi taraf ko nahin hain raghib

to barg-e-nargis upar baja hai likhun jo apne sajan kun patiyan

sanam ki zulfan ko hijr mein ab gae hain mujh nain hain KHwab rahat

lage hai kanTa nazar mein sona kaTengi kaise ye kali ratiyan

jo shama-ru ke do lab hain shirin to sabza-e-KHat baja hai us par

zamin pakDi hai tutiyon ne sunin jo miThi piya ki batiyan

KHayal kar kar bhaTak raha hun nazar jo aae tewar hain banke

banao banta nahin hai 'naji' jo us sajan ko lagaun chhatiyan