ye dil bas mein kabhi mere raha nain

ye dil bas meñ kabhī mere rahā na.iiñ

kabhī yādoñ kā dāman chhoḌtā na.iiñ

bhulā.eñ kaise amrohe kī galiyāñ

abhī lahje se amroha gayā na.iiñ

yahīñ gum-karda apnā āshiyāñ thā

jahāñ baaqī koī ab āshnā na.iiñ

shikasta ho chuke mehrāb-o-dar sab

abhī tak zehn se naqsha gayā na.iiñ

hamāre naam kī taḳhtī nahīñ hai

magar vo ghar to ḳhvāboñ se gayā na.iiñ

maiñ samjhūñ huuñ tumhārī be-qarārī

miyāñ guzrā zamāna lauTtā na.iiñ

kisī saffāk hijrat ke sitam se

zamīñ se apnā rishta TūTtā na.iiñ

tumhārī shā.irāna be-ḳhudī ko

kisī sarhad pe koī roktā na.iiñ

bahut thī dhuum jashn-e-reḳhta meñ

tumhāre naam kī tum ne sunā na.iiñ

tumhārī shā.irī par sar dhune haiñ

magar ye log urdu āshnā na.iiñ

paḌī hai shā.irī ghuTTī meñ 'azrā'

magar kuchh mo'atabar ab tak kahā na.iiñ

ye dil bas mein kabhi mere raha nain

kabhi yaadon ka daman chhoDta nain

bhulaen kaise amrohe ki galiyan

abhi lahje se amroha gaya nain

yahin gum-karda apna aashiyan tha

jahan baqi koi ab aashna nain

shikasta ho chuke mehrab-o-dar sab

abhi tak zehn se naqsha gaya nain

hamare nam ki taKHti nahin hai

magar wo ghar to KHwabon se gaya nain

main samjhun hun tumhaari be-qarari

miyan guzra zamana lauTta nain

kisi saffak hijrat ke sitam se

zamin se apna rishta TuTta nain

tumhaari shairana be-KHudi ko

kisi sarhad pe koi rokta nain

bahut thi dhum jashn-e-reKHta mein

tumhaare nam ki tum ne suna nain

tumhaari shairi par sar dhune hain

magar ye log urdu aashna nain

paDi hai shairi ghuTTi mein 'azra'

magar kuchh mo'atabar ab tak kaha nain