یہ دل میں وسوسہ کیا پل رہا ہے
ترا ملنا بھی مجھ کو کھل رہا ہے
جسے میں نے کیا تھا بے خودی میں
جبیں پر اب وہ سجدہ جل رہا ہے
مجھے مت دو مبارک باد ہستی
کسی کا ہے یہ سایہ چل رہا ہے
سر صحرا سدا دل کے شجر سے
برستا دور اک بادل رہا ہے
فساد لغزش تخلیق آدم
ابھی تک ہاتھ یزداں مل رہا ہے
دلوں کی آگ کیا کافی نہیں ہے
جہنم بے ضرورت جل رہا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
