ye fasl-e-gul hai gareban ke tar ki had tak

ye fasl-e-gul hai garebāñ ke taar kī had tak

junūñ kī ḳhair junūñ hai bahār kī had tak

faroġh-e-husn salāmat kahīñ to hogī sahar

ki shab hai gesu-e-mushkīñ tatār kī had tak

qadam baḌhā ki abhī duur hai tirī manzil

shikast-e-ābla-pā.ī hai ḳhaar kī had tak

yahāñ kuchh aur nahīñ māvarā-e-lail-o-nahār

ye kā.enāt hai lail-o-nahār kī had tak

ye fasl-e-gul hai gareban ke tar ki had tak

junun ki KHair junun hai bahaar ki had tak

farogh-e-husn salamat kahin to hogi sahar

ki shab hai gesu-e-mushkin tatar ki had tak

qadam baDha ki abhi dur hai teri manzil

shikast-e-abla-pai hai KHar ki had tak

yahan kuchh aur nahin mawara-e-lail-o-nahaar

ye kaenat hai lail-o-nahaar ki had tak