ye faza-e-saz-o-muzrib ye hujum-e-taj-e-daran

ye fazā-e-saz-o-muzrib ye hujūm-e-tāj-e-dārāñ

chalo aao ham bhī nikleñ ba-libās-e-sogvārāñ

ye fusūn-e-rū-e-lailā ba-azāb-e-jān-e-majnūñ

vahī husn-e-dasht-o-dar hai ba-tavāf-e-jāñ-nisārāñ

ġham-e-kārvāñ kā āḳhir koī ruḳh na us se chhūTā

vo hadīs kah ga.ī hai ye havā-e-rah-guzārāñ

vo ta.assub-e-barhaman jo sanam ko Dhāltā hai

ruḳh-e-naqsh par bhī aayā ye sipās-e-naqsh-e-kārāñ

ba-ḳhayāl-e-dost āḳhir koī ḳhvāb-e-ham-kinārī

koī ḳhvāb-e-ham-kinārī shab-e-ḳhvāb-e-be-qarārāñ

sar-e-kisht-e-ġhair kyā kyā ye ghaTā baras rahī hai

koī ham se aa ke pūchhe asar-e-duā-e-bārāñ

vo shikast-e-ḳhvāb-e-mahfil vo havā ke chaar jhoñke

lagī dil pe tiir ban kar dam-e-sub.h yād-e-yārāñ

ye faza-e-saz-o-muzrib ye hujum-e-taj-e-daran

chalo aao hum bhi niklen ba-libas-e-sogwaran

ye fusun-e-ru-e-laila ba-azab-e-jaan-e-majnun

wahi husn-e-dasht-o-dar hai ba-tawaf-e-jaan-nisaran

gham-e-karwan ka aaKHir koi ruKH na us se chhuTa

wo hadis kah gai hai ye hawa-e-rah-guzaran

wo tassub-e-barhaman jo sanam ko Dhaalta hai

ruKH-e-naqsh par bhi aaya ye sipas-e-naqsh-e-karan

ba-KHayal-e-dost aaKHir koi KHwab-e-ham-kinari

koi KHwab-e-ham-kinari shab-e-KHwab-e-be-qararan

sar-e-kisht-e-ghair kya kya ye ghaTa baras rahi hai

koi hum se aa ke puchhe asar-e-dua-e-baran

wo shikast-e-KHwab-e-mahfil wo hawa ke chaar jhonke

lagi dil pe tir ban kar dam-e-subh yaad-e-yaran