ye ghaza hai kajal hai ubTan hai kya hai

ye ġhāza hai kājal hai ubTan hai kyā hai

ye rañg-e-hinā dāġh-e-dāman hai kyā hai

laTak hai maTak hai jhaTak hai adā hai

khaTak hai dhaḌak hai ki dhaḌkan hai kyā hai

hayā kī bahāreñ haiñ ra.anā.iyoñ par

ye jalva hai mastī hai joban hai kyā hai

ye phailī huī ḳhushbuoñ kī ghaTā.eñ

ye gesū hai kākul hai uljhan hai kyā hai

tabassum kī bijlī qayāmat kī shoḳhī

ye bārāñ hai bādal hai kaḌkan hai kyā hai

jo sāz-e-sitam har taraf baj rahā hai

vo paa.el hai chūḌī hai kañgan hai kyā hai

ye kaisī jagah hai ki dil kho rahā hai

bayābāñ hai sahrā hai gulshan hai kyā hai

kahūñ maiñ kabhū sher aisā to kahiye

sharārat hai laġhzish hai bhaTkan hai kyā hai

junūñ kā asar 'āhan' be-navā par

ye jaadū hai Tonā hai bandhan hai kyā hai

ye ghaza hai kajal hai ubTan hai kya hai

ye rang-e-hina dagh-e-daman hai kya hai

laTak hai maTak hai jhaTak hai ada hai

khaTak hai dhaDak hai ki dhaDkan hai kya hai

haya ki bahaaren hain ranaiyon par

ye jalwa hai masti hai joban hai kya hai

ye phaili hui KHushbuon ki ghaTaen

ye gesu hai kakul hai uljhan hai kya hai

tabassum ki bijli qayamat ki shoKHi

ye baran hai baadal hai kaDkan hai kya hai

jo saz-e-sitam har taraf baj raha hai

wo pael hai chuDi hai kangan hai kya hai

ye kaisi jagah hai ki dil kho raha hai

bayaban hai sahra hai gulshan hai kya hai

kahun main kabhu sher aisa to kahiye

shararat hai laghzish hai bhaTkan hai kya hai

junun ka asar 'ahan' be-nawa par

ye jadu hai Tona hai bandhan hai kya hai