ye gham kya dil ki aadat hai nahin to

ye ġham kyā dil kī 'ādat hai nahīñ to

kisī se kuchh shikāyat hai nahīñ to

kisī ke bin kisī kī yaad ke bin

jiye jaane kī himmat hai nahīñ to

hai vo ik ḳhvāb-e-be-ta.abīr us ko

bhulā dene kī nīyat hai nahīñ to

kisī sūrat bhī dil lagtā nahīñ haañ

to kuchh din se ye hālat hai nahīñ to

tire is haal par hai sab ko hairat

tujhe bhī is pe hairat hai nahīñ to

ham-āhangī nahīñ duniyā se terī

tujhe is par nadāmat hai nahīñ to

huā jo kuchh yahī maqsūm thā kyā

yahī saarī hikāyat hai nahīñ to

aziyyat-nāk ummīdoñ se tujh ko

amaañ paane kī hasrat hai nahīñ to

tū rahtā hai ḳhayāl-o-ḳhvāb meñ gum

to is kī vaj.h fursat hai nahīñ to

sabab jo is judā.ī kā banā hai

vo mujh se ḳhūb-sūrat hai nahīñ to

ye gham kya dil ki 'adat hai nahin to

kisi se kuchh shikayat hai nahin to

kisi ke bin kisi ki yaad ke bin

jiye jaane ki himmat hai nahin to

hai wo ek KHwab-e-be-tabir us ko

bhula dene ki niyat hai nahin to

kisi surat bhi dil lagta nahin han

to kuchh din se ye haalat hai nahin to

tere is haal par hai sab ko hairat

tujhe bhi is pe hairat hai nahin to

ham-ahangi nahin duniya se teri

tujhe is par nadamat hai nahin to

hua jo kuchh yahi maqsum tha kya

yahi sari hikayat hai nahin to

aziyyat-nak ummidon se tujh ko

aman pane ki hasrat hai nahin to

tu rahta hai KHayal-o-KHwab mein gum

to is ki wajh fursat hai nahin to

sabab jo is judai ka bana hai

wo mujh se KHub-surat hai nahin to