ye hai to sab ke liye ho ye zid hamari hai

ye hai to sab ke liye ho ye zid hamārī hai

is ek baat pe duniyā se jañg jaarī hai

uḌaan vaalo uḌānoñ pe vaqt bhārī hai

paroñ kī ab ke nahīñ hausloñ kī baarī hai

maiñ qatra ho ke bhī tūfāñ se jañg letā huuñ

mujhe bachānā samundar kī zimmedārī hai

isī se jalte haiñ sahrā-e-ārzū meñ charāġh

ye tishnagī to mujhe zindagī se pyārī hai

koī batā.e ye us ke ġhurūr-e-bejā ko

vo jañg maiñ ne laḌī hī nahīñ jo haarī hai

har ek saañs pe pahrā hai be-yaqīnī kā

ye zindagī to nahīñ maut kī savārī hai

duā karo ki salāmat rahe mirī himmat

ye ik charāġh ka.ī āñdhiyoñ pe bhārī hai

ye hai to sab ke liye ho ye zid hamari hai

is ek baat pe duniya se jang jari hai

uDan walo uDanon pe waqt bhaari hai

paron ki ab ke nahin hauslon ki bari hai

main qatra ho ke bhi tufan se jang leta hun

mujhe bachana samundar ki zimmedari hai

isi se jalte hain sahra-e-arzu mein charagh

ye tishnagi to mujhe zindagi se pyari hai

koi batae ye us ke ghurur-e-beja ko

wo jang main ne laDi hi nahin jo haari hai

har ek sans pe pahra hai be-yaqini ka

ye zindagi to nahin maut ki sawari hai

dua karo ki salamat rahe meri himmat

ye ek charagh kai aandhiyon pe bhaari hai