ye ishq kal tujhe husn-e-jawan mile na mile

ye ishq kal tujhe husn-e-javāñ mile na mile

na der kar ki ye jins-e-girāñ mile na mile

butoñ se mil ke bhī ārām-e-jāñ mile na mile

nazar mile to mizāj-e-butāñ mile na mile

maiñ aaj hī use kyuuñ sarf-e-dil na kar Dālūñ

ye ḳhuuñ kī buuñd mujhe kal yahāñ mile na mile

hadīs-e-shauq payambar talāsh kar legī

zabāñ kī kaun zarūrat zabāñ mile na mile

nigāh-e-shauq ne dekhā hai ik hasīn ufuq

mirī jabīñ ko tirā āstāñ mile na mile

gale lagā ke kiyā nazr-e-sho.ala-e-ātish

qafas se chhūT ke phir āshiyāñ mile na mile

matā-e-shauq ko ashkoñ ke saath bhej bhī duuñ

phir us ke ba.ad koī kārvāñ mile na mile

chalo qubūl bhī kar lo mire sujūd-e-niyāz

ab un ko aur koī āstāñ mile na mile

hayāt-e-fānī-e-'mullā' kī lazzatoñ kī qasam

balā se zindagī-e-jāvedāñ mile na mile

ye ishq kal tujhe husn-e-jawan mile na mile

na der kar ki ye jins-e-giran mile na mile

buton se mil ke bhi aaram-e-jaan mile na mile

nazar mile to mizaj-e-butan mile na mile

main aaj hi use kyun sarf-e-dil na kar Dalun

ye KHun ki bund mujhe kal yahan mile na mile

hadis-e-shauq payambar talash kar legi

zaban ki kaun zarurat zaban mile na mile

nigah-e-shauq ne dekha hai ek hasin ufuq

meri jabin ko tera aastan mile na mile

gale laga ke kiya nazr-e-shoala-e-atish

qafas se chhuT ke phir aashiyan mile na mile

mata-e-shauq ko ashkon ke sath bhej bhi dun

phir us ke baad koi karwan mile na mile

chalo qubul bhi kar lo mere sujud-e-niyaz

ab un ko aur koi aastan mile na mile

hayat-e-fani-e-'mulla' ki lazzaton ki qasam

bala se zindagi-e-jawedan mile na mile