ye ishq ne dekha hai ye aql se pinhan hai

ye ishq ne dekhā hai ye aql se pinhāñ hai

qatre meñ samundar hai zarre meñ bayābāñ hai

hai ishq ki mahshar meñ yuuñ mast o ḳhirāmāñ hai

dozaḳh ba-garebāñ hai firdaus ba-dāmāñ hai

hai ishq kī shorish se rānā.ī o zebā.ī

jo ḳhuun uchhaltā hai vo rañg-e-gulistāñ hai

phir garm-e-navāzish hai zau mehr-e-daraḳhshāñ kī

phir qatra-e-shabnam meñ hañgāma-e-tūfāñ hai

ai paikar-e-mahbūbī maiñ kis se tujhe dekhūñ

jis ne tujhe dekhā hai vo dīda-e-hairāñ hai

sau baar tirā dāman hāthoñ meñ mire aayā

jab aañkh khulī dekhā apnā hī garebāñ hai

ik shorish-e-be-vasl ik ātish-e-be-parda

āfat-kada-e-dil meñ ab kufr na īmāñ hai

dhokā hai ye nazroñ kā bāzīcha hai lazzat kā

jo kunj qafas meñ thā vo asl gulistāñ hai

ik ġhuncha-e-afsurda ye dil kī haqīqat thī

ye maujzanī ḳhuuñ kī rañgīni-e-paikāñ hai

ye husn kī maujeñ haiñ yā josh-e-tabassum hai

us shoḳh ke hoñToñ par ik barq sī larzāñ hai

'asġhar' se mile lekin 'asġhar' ko nahīñ dekhā

ash.ār meñ sunte haiñ kuchh kuchh vo numāyāñ hai

ye ishq ne dekha hai ye aql se pinhan hai

qatre mein samundar hai zarre mein bayaban hai

hai ishq ki mahshar mein yun mast o KHiraman hai

dozaKH ba-gareban hai firdaus ba-daman hai

hai ishq ki shorish se ranai o zebai

jo KHun uchhalta hai wo rang-e-gulistan hai

phir garm-e-nawazish hai zau mehr-e-daraKHshan ki

phir qatra-e-shabnam mein hangama-e-tufan hai

ai paikar-e-mahbubi main kis se tujhe dekhun

jis ne tujhe dekha hai wo dida-e-hairan hai

sau bar tera daman hathon mein mere aaya

jab aankh khuli dekha apna hi gareban hai

ek shorish-e-be-wasl ek aatish-e-be-parda

aafat-kada-e-dil mein ab kufr na iman hai

dhoka hai ye nazron ka bazicha hai lazzat ka

jo kunj qafas mein tha wo asl gulistan hai

ek ghuncha-e-afsurda ye dil ki haqiqat thi

ye maujzani KHun ki rangini-e-paikan hai

ye husn ki maujen hain ya josh-e-tabassum hai

us shoKH ke honTon par ek barq si larzan hai

'asghar' se mile lekin 'asghar' ko nahin dekha

ashaar mein sunte hain kuchh kuchh wo numayan hai