ye jamal kya ye jalal kya ye uruj kya ye zawal kya

ye jamāl kyā ye jalāl kyā ye uruuj kyā ye zavāl kyā

vo jo peḌ jaḌ se ukhaḌ gayā use mausamoñ kā malāl kyā

vo jo lamha lamha bikhar gayā vo jo apnī had se guzar gayā

use fikr-e-shām-o-sahar ho kyā use ranjish-e-mah-o-sāl kyā

vo jo be-niyāz sā ho gayā vo jo ek raaz sā ho gayā

jise kuchh ġharaz hī nahīñ rahī use dast-e-harf-e-savāl kyā

huā reza reza jo dil tirā use joḌ joḌ ke mat dikhā

vo jo apne husn meñ mast hai use aa.ine kā ḳhayāl kyā

vahī hijr raat kī baat hai vahī chāñd-tāroñ kā saath hai

jo firāq se huā āshnā use ārzū-e-visāl kyā

kisī aur se kareñ kyuuñ gila hameñ apne-āp se dukh milā

vo jo dard-e-dil se ho āshnā use duniyā-bhar kā vabāl kyā

vahī gard gard ġhubār hai vahī chāroñ or fishār hai

vo jo ḳhud ko bhī nahīñ jāntā vo ho merā vāqif-e-hāl kyā

use 'sād' kaisā batā.eñ ham use kis se jā ke milā.eñ ham

vo to ḳhud sarāpā misāl hai ye gulāb kyā ye ġhazāl kyā

ye jamal kya ye jalal kya ye uruj kya ye zawal kya

wo jo peD jaD se ukhaD gaya use mausamon ka malal kya

wo jo lamha lamha bikhar gaya wo jo apni had se guzar gaya

use fikr-e-sham-o-sahar ho kya use ranjish-e-mah-o-sal kya

wo jo be-niyaz sa ho gaya wo jo ek raaz sa ho gaya

jise kuchh gharaz hi nahin rahi use dast-e-harf-e-sawal kya

hua reza reza jo dil tera use joD joD ke mat dikha

wo jo apne husn mein mast hai use aaine ka KHayal kya

wahi hijr raat ki baat hai wahi chand-taron ka sath hai

jo firaq se hua aashna use aarzu-e-visal kya

kisi aur se karen kyun gila hamein apne-ap se dukh mila

wo jo dard-e-dil se ho aashna use duniya-bhar ka wabaal kya

wahi gard gard ghubar hai wahi chaaron or fishaar hai

wo jo KHud ko bhi nahin jaanta wo ho mera waqif-e-haal kya

use 'sad' kaisa bataen hum use kis se ja ke milaen hum

wo to KHud sarapa misal hai ye gulab kya ye ghazal kya