ye jaur-e-dast-e-zamana kaha kaha na kaha

ye jaur-e-dast-e-zamāna kahā kahā na kahā

ki dil kā haal kabhī aap ne sunā na kahā

jo baat tum se thī kahnī faqat tumhī se kahī

har ek bazm meñ ye dil kā mājrā na kahā

ye log raa.ī kā parbat banā rahe yūñhī

tire ravayye ko ham ne to nāravā na kahā

ḳhudā kā shukr sitam nāgavār bhī na lage

ḳhudā kā shukr kabhī tum ko bevafā na kahā

use nahīñ hai shikāyat to dūsrī koī

use gila hai ki kyoñ hāsil-e-duā na kahā

ḳhalish sī zehn meñ le kar hamesha phirtā rahā

sitam ko jab bhī burā maiñ ne barmalā na kahā

'valī' ġharībī meñ kam to nahīñ hai ye e.azāz

zamīñ ke bande bashar ko kabhī ḳhudā na kahā

ye jaur-e-dast-e-zamana kaha kaha na kaha

ki dil ka haal kabhi aap ne suna na kaha

jo baat tum se thi kahni faqat tumhi se kahi

har ek bazm mein ye dil ka majra na kaha

ye log rai ka parbat bana rahe yunhi

tere rawayye ko hum ne to narawa na kaha

KHuda ka shukr sitam nagawar bhi na lage

KHuda ka shukr kabhi tum ko bewafa na kaha

use nahin hai shikayat to dusri koi

use gila hai ki kyon hasil-e-dua na kaha

KHalish si zehn mein le kar hamesha phirta raha

sitam ko jab bhi bura main ne barmala na kaha

'wali' gharibi mein kam to nahin hai ye eazaz

zamin ke bande bashar ko kabhi KHuda na kaha