ye jism mirā thak ke bahut chuur huā hai
kis kār-e-musalsal pe ye ma.amūr huā hai
vo niiñd milī hai ki jo puurī nahīñ hotī
vo ḳhvāb milā hai ki jo ma.azūr huā hai
jo ḳhauf-e-jarāhat meñ khulā chhoḌ diyā thā
vo zaḳhm mavādoñ bharā nāsūr huā hai
ik baar agar sāneha meñ suud jo dekhā
phir zauq-e-havādis baḌā bharpūr huā hai
kuchh vaqt zarā aur nahr duudh kī legī
farhād ko tesha nahīñ manzūr huā hai
jo ham se ye kahte the rivāyat nahīñ is kī
ab un ke hī kahne pe ye dastūr huā hai
ab maslahatan hī huā paidā koī muusā
ab maslahatan koh koī tuur huā hai
ye jism mera thak ke bahut chur hua hai
kis kar-e-musalsal pe ye mamur hua hai
wo nind mili hai ki jo puri nahin hoti
wo KHwab mila hai ki jo mazur hua hai
jo KHauf-e-jarahat mein khula chhoD diya tha
wo zaKHm mawadon bhara nasur hua hai
ek bar agar saneha mein sud jo dekha
phir zauq-e-hawadis baDa bharpur hua hai
kuchh waqt zara aur nahr dudh ki legi
farhad ko tesha nahin manzur hua hai
jo hum se ye kahte the riwayat nahin is ki
ab un ke hi kahne pe ye dastur hua hai
ab maslahatan hi hua paida koi musa
ab maslahatan koh koi tur hua hai
Source :
- Book : Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
