ye jo chehre se tumhein lagte hain bimar se hum

ye jo chehre se tumheñ lagte haiñ bīmār se ham

ḳhuub ro.e haiñ lipaT kar dar-o-dīvār se ham

yaar kī aañkh meñ nafrat ne hameñ maar diyā

marne vaale the kahāñ yaar kī talvār se ham

ishq meñ hukm-udūlī bhī hameñ aatī hai

Talne vaale to nahīñ haiñ tire inkār se ham

rañj har rañg ke jholī meñ bhare haiñ ham ne

jab bhī guzre haiñ kisī dard ke bāzār se ham

bādshāh shā.ir-majnūñ sabhī aate haiñ yahāñ

lag ke baiThe haiñ 'vasī'-shāh ke darbār se ham

ye jo chehre se tumhein lagte hain bimar se hum

KHub roe hain lipaT kar dar-o-diwar se hum

yar ki aankh mein nafrat ne hamein mar diya

marne wale the kahan yar ki talwar se hum

ishq mein hukm-uduli bhi hamein aati hai

Talne wale to nahin hain tere inkar se hum

ranj har rang ke jholi mein bhare hain hum ne

jab bhi guzre hain kisi dard ke bazar se hum

baadshah shair-majnun sabhi aate hain yahan

lag ke baiThe hain 'wasi'-shah ke darbar se hum