ye jo har lamha meri sans hai aati jati
ye jo har lamha mirī saañs hai aatī jaatī
ek tūfān hai siine meñ uThātī jaatī
maujeñ uTh uTh ke tah-e-āb chalī jaatī haiñ
haañ magar kis kī hai tasvīr banātī jaatī
ye shajar jis ke sabab raqs hai kartā rahtā
kaash vo bād-e-sabā dil ko nachātī jaatī
bas vahī qīmtī ik shai jo mirā hāsil thī
har ghaḌī paas hī rahtī na yuuñ aatī jaatī
kam se kam sañg-e-sar-e-rāh to hotā 'kausar'
aur duniyā mujhe Thokar bhī lagātī jaatī
ye jo har lamha meri sans hai aati jati
ek tufan hai sine mein uThati jati
maujen uTh uTh ke tah-e-ab chali jati hain
han magar kis ki hai taswir banati jati
ye shajar jis ke sabab raqs hai karta rahta
kash wo baad-e-saba dil ko nachati jati
bas wahi qimti ek shai jo mera hasil thi
har ghaDi pas hi rahti na yun aati jati
kam se kam sang-e-sar-e-rah to hota 'kausar'
aur duniya mujhe Thokar bhi lagati jati
- Book : maazii ka aainda
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
