ye jo har samt tere neze ki shohrat hai bahut

ye jo har samt tire neze kī shohrat hai bahut

sach to ye hai ki mare sar kī badaulat hai bahut

chashma-e-chashm ke paanī se nahīñ hogā kuchh

ḳhāk-e-sahrā hai ise ḳhuuñ kī zarūrat hai bahut

maiñ to ik aañkh huuñ āvāz se mujh ko na Darā

ye tire jalva-e-sad-rang kī dahshat hai bahut

but-e-ma.anī bhī ma.ānī ke pujārī bhī ga.e

aa ki ab ma.abad-e-alfāz meñ ḳhalvat hai bahut

ḳhaak hī shahr-o-bayābāñ kī agar daulat hai

to ye āvāra tirā sāhab-e-sarvat hai bahut

ye jo har samt tere neze ki shohrat hai bahut

sach to ye hai ki mare sar ki badaulat hai bahut

chashma-e-chashm ke pani se nahin hoga kuchh

KHak-e-sahra hai ise KHun ki zarurat hai bahut

main to ek aankh hun aawaz se mujh ko na Dara

ye tere jalwa-e-sad-rang ki dahshat hai bahut

but-e-mani bhi maani ke pujari bhi gae

aa ki ab mabad-e-alfaz mein KHalwat hai bahut

KHak hi shahr-o-bayaban ki agar daulat hai

to ye aawara tera sahab-e-sarwat hai bahut