یہ جو عشق ہے یہ بلا ہے یا ہے طلسم یہ کہ کمال ہے

یہ جو عشق ہے یہ بلا ہے یا ہے طلسم یہ کہ کمال ہے

گو یہ زندگی کا عروج ہے یہی زندگی کا زوال ہے

ہے جو رات دن تری آرزو یہ جو ہر گھڑی تری جستجو

اسے کیا کہوں کہ یہ سلسلہ خود اذیتی کی مثال ہے

یوں ہی گنگناتا ہے دل مرا ہے بھرم کی تو ہے یہاں کہیں

مجھے ہے خبر تو یہاں نہیں یہ تو موسموں کی ہی چال ہے

تھی عجب سی مانگ حضور کی رہیں پاس بھی ذرا دور بھی

ہوا یہ نتیجہ کہ اب جو ہے نہ تو ہجر ہے نہ وصال ہے

وہی الجھی الجھی سی گفتگو کوئی کھیل ہے یہ کہ چال ہے

تجھے جب بھی پوچھوں میں کچھ کبھی ترا ہر جواب سوال ہے

تو نہیں یہاں تری یاد ہے ترا ہجر میری حیات اب

تو نہ ہو کے بھی مرے پاس ہے یہ محبتوں کا کمال ہے