ye jo zahr hai tere qurb ka mere rom rom utar de
ye jo zahr hai tere qurb ka mere rom rom utar de
Khalid Nadeem Shaani
MORE BYKhalid Nadeem Shaani
ye jo zahr hai tire qurb kā mire rom rom utaar de
mirī dāstān ho mo'atabar mujhe apne ishq meñ maar de
kabhī apne jism ko mai banā mujhe qatra qatra pilā.e jā
mirī aañkh roz-e-jazā khule koī is tarah kā ḳhumār de
tirī nisbatoñ se juḌā rahūñ tire rāstoñ meñ paḌā rahūñ
koī aisī hasrat-e-be-bahā mirī dhaḌkanoñ se guzār de
mire dostā mire kibriyā mirī laġhzishoñ se ho darguzar
mirī pastiyoñ ko uruuj de mire ujḌe dil ko sañvār de
mirī ārzūoñ ke siip kā kisī āb-e-naisāñ se mel kar
mujhe āshnā-e-visāl kar mirī bekalī ko qarār de
yahī apne shauq se kah diyā kabhī ek pal nahīñ sochnā
jahāñ naqsh-e-pā mile yaar kā ye matā-e-jāñ vahīñ vaar de
ye jo zahr hai tere qurb ka mere rom rom utar de
meri dastan ho mo'atabar mujhe apne ishq mein mar de
kabhi apne jism ko mai bana mujhe qatra qatra pilae ja
meri aankh roz-e-jaza khule koi is tarah ka KHumar de
teri nisbaton se juDa rahun tere raston mein paDa rahun
koi aisi hasrat-e-be-baha meri dhaDkanon se guzar de
mere dosta mere kibriya meri laghzishon se ho darguzar
meri pastiyon ko uruj de mere ujDe dil ko sanwar de
meri aarzuon ke sip ka kisi aab-e-naisan se mel kar
mujhe aashna-e-visal kar meri bekali ko qarar de
yahi apne shauq se kah diya kabhi ek pal nahin sochna
jahan naqsh-e-pa mile yar ka ye mata-e-jaan wahin war de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
