ye kaenat hai kya dasht kya makan kya hai

ye kā.enāt hai kyā dasht kyā makāñ kyā hai

bas ek jazba-e-taḳhlīq hai jahāñ kyā hai

ḳhudā ne dekh ke tāb-e-tajassus-e-insāñ

nazar pe had sī lagā dī hai āsmāñ kyā hai

galā ke chhoḌegā har shai ko vaqt kā tezāb

sivā.e nūr-e-ḳhudā aur jāvedāñ kyā hai

bas ek ġhaib kī talvār ye ḳhudā.ī hai

phir us ke sāmne fariyād kyā fuġhāñ kyā hai

ġham-e-jahāñ kā fasāna bahut tavīl hai dost

hamārī ek shab-e-ġham kī dāstāñ kyā hai

bachā hī kyā hai tire paas bik gayā sab kuchh

baḌhā le 'rāz' ki ḳhālī hai ye dukāñ kyā hai

ye kaenat hai kya dasht kya makan kya hai

bas ek jazba-e-taKHliq hai jahan kya hai

KHuda ne dekh ke tab-e-tajassus-e-insan

nazar pe had si laga di hai aasman kya hai

gala ke chhoDega har shai ko waqt ka tezab

siwae nur-e-KHuda aur jawedan kya hai

bas ek ghaib ki talwar ye KHudai hai

phir us ke samne fariyaad kya fughan kya hai

gham-e-jahan ka fasana bahut tawil hai dost

hamari ek shab-e-gham ki dastan kya hai

bacha hi kya hai tere pas bik gaya sab kuchh

baDha le 'raaz' ki KHali hai ye dukan kya hai