aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye kah gaya but-e-na-ashna suna ke mujhe

Jaleel Manikpuri

ye kah gaya but-e-na-ashna suna ke mujhe

Jaleel Manikpuri

MORE BYJaleel Manikpuri

    ye kah gayā but-e-nā-āshnā sunā ke mujhe

    ki aap meñ nahīñ rahtā hai koī ke mujhe

    naqāb kahtī hai maiñ parda-e-qayāmat huuñ

    agar yaqīn na ho dekh lo uThā ke mujhe

    milūñgā ḳhaak meñ aañsū tarah yaad rahe

    milo na aañkh kahīñ aañkh se girā ke mujhe

    adā se khīñch rahā hai kamāñ vo tīr-andāz

    qazā pukār rahī hai zarā bachā ke mujhe

    tumhāre vāste is dil mol kyā hai

    adā se dekh lo ik din nazar uThā ke mujhe

    tire hisāb meñ terī qabā dāman huuñ

    ki jab mizāj meñ aayā chalā luTā ke mujhe

    maiñ Dar rahā huuñ tumhārī nashīlī āñkhoñ se

    ki luuT leñ na kisī roz kuchh pilā ke mujhe

    buland naam na hogā sitam-shi.ārī se

    tum āsmān na ho jāoge satā ke mujhe

    butoñ ko tākte guzrī hai sharm aa.egī

    'jalīl' le na chalo sāmne ḳhudā ke mujhe

    ye kah gaya but-e-na-ashna suna ke mujhe

    ki aap mein nahin rahta hai koi pa ke mujhe

    naqab kahti hai main parda-e-qayamat hun

    agar yaqin na ho dekh lo uTha ke mujhe

    milunga KHak mein aansu ki tarah yaad rahe

    milo na aankh kahin aankh se gira ke mujhe

    ada se khinch raha hai kaman wo tir-andaz

    qaza pukar rahi hai zara bacha ke mujhe

    tumhaare waste is dil ka mol hi kya hai

    ada se dekh lo ek din nazar uTha ke mujhe

    tere hisab mein teri qaba ka daman hun

    ki jab mizaj mein aaya chala luTa ke mujhe

    main Dar raha hun tumhaari nashili aankhon se

    ki luT len na kisi roz kuchh pila ke mujhe

    buland nam na hoga sitam-shiari se

    tum aasman na ho jaoge sata ke mujhe

    buton ko takte guzri hai sharm aaegi

    'jalil' le na chalo samne KHuda ke mujhe

    Source:

    Kainat-e-Jalil Manakpuri (Pg. 106)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now