ye kaisi aag mujh mein jal rahi hai
ye kaisī aag mujh meñ jal rahī hai
ye kaisī barf mujh meñ gal rahī hai
koī tasbīh mujh meñ paḌh rahā hai
koī qindīl mujh meñ jal rahī hai
musāfir jā chukā lambe safar par
abhī tak dhuup āñkheñ mal rahī hai
sabhī bāhoñ ko phailā.e khaḌe haiñ
qayāmat hai ki har-pal Tal rahī hai
izāfī ho chukā hai matn saarā
kahānī hāshiye se chal rahī hai
mujhe sab dafn kar ke jā chuke haiñ
magar ye saañs ab tak chal rahī hai
bahut ro.egī ye laḌkī kisī din
jo mere saath hañs kar chal rahī hai
ye kaisi aag mujh mein jal rahi hai
ye kaisi barf mujh mein gal rahi hai
koi tasbih mujh mein paDh raha hai
koi qindil mujh mein jal rahi hai
musafir ja chuka lambe safar par
abhi tak dhup aankhen mal rahi hai
sabhi bahon ko phailae khaDe hain
qayamat hai ki har-pal Tal rahi hai
izafi ho chuka hai matn sara
kahani hashiye se chal rahi hai
mujhe sab dafn kar ke ja chuke hain
magar ye sans ab tak chal rahi hai
bahut roegi ye laDki kisi din
jo mere sath hans kar chal rahi hai
- Book : Abjad-e-ishq (Pg. 70)
- Author : Mirza Athar Zia
- Publication : Green Pages (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
