ye kashmakash-e-dil bhi kuchh kam nahin mahshar se

ye kashmakash-e-dil bhī kuchh kam nahīñ mahshar se

har fitna javāñ ho kar uThtā hai mire ghar se

ye mahr-o-mah-e-tābāñ is darja hasīñ kab the

paa.ī hai ye tābānī un ke ruḳh-e-anvar se

mai-ḳhvār kī mahfil meñ phir daur-e-sharāb aayā

Takrāne lage sāġhar phir bazm meñ sāġhar se

is bazm-e-masarrat kī zīnat kā bayāñ kyā ho

miltā hai samāñ bilkul firdaus ke manzar se

mat dekh hiqārat kī nazroñ se ise nādāñ

ye chiiz hai mai vaa.iz miltī hai muqaddar se

is mahfil-e-rindāñ meñ kyā kaam takalluf kā

kam-zarf haiñ vo 'shā.eq' jo piite haiñ sāġhar se

ye kashmakash-e-dil bhi kuchh kam nahin mahshar se

har fitna jawan ho kar uThta hai mere ghar se

ye mahr-o-mah-e-taban is darja hasin kab the

pai hai ye tabani un ke ruKH-e-anwar se

mai-KHwar ki mahfil mein phir daur-e-sharab aaya

Takrane lage saghar phir bazm mein saghar se

is bazm-e-masarrat ki zinat ka bayan kya ho

milta hai saman bilkul firdaus ke manzar se

mat dekh hiqarat ki nazron se ise nadan

ye chiz hai mai waiz milti hai muqaddar se

is mahfil-e-rindan mein kya kaam takalluf ka

kam-zarf hain wo 'shaeq' jo pite hain saghar se