ye KHud ko dekhte rahne ki hai jo KHu mujh mein
ye ḳhud ko dekhte rahne kī hai jo ḳhū mujh meñ
chhupā huā hai kahīñ vo shagufta-rū mujh meñ
mah o nujūm ko terī jabīñ se nisbat duuñ
ab is qadar bhī nahīñ ādat-e-ġhulū mujh meñ
taġhayyurāt-e-jahāñ dil pe kyā asar karte
hai terī ab bhī vahī shakl hū-ba-hū mujh meñ
rafūgaroñ ne ajab tab.a-āzmā.ī kī
rahī sire se na gunjā.ish-e-rafū mujh meñ
vo jis ke sāmne merī zabāñ nahīñ khultī
usī ke saath to hotī hai guftugū mujh meñ
ḳhudā kare ki use dil kā rāsta mil jaa.e
bhaTak rahī hai koī chaap kū-ba-kū mujh meñ
us ek zohra-jabīñ ke tufail jaarī hai
tamām zohra-jabīnoñ kī justujū mujh meñ
nahīñ pasand mujhe sher-o-shā.erī karnā
kabhī-kabhār bas uThtī hai ek hū mujh meñ
maiñ zindagī huuñ mujhe is qadar na chaah 'shu.ūr'
musāfirāna iqāmat-guzīñ hai tū mujh meñ
ye KHud ko dekhte rahne ki hai jo KHu mujh mein
chhupa hua hai kahin wo shagufta-ru mujh mein
mah o nujum ko teri jabin se nisbat dun
ab is qadar bhi nahin aadat-e-ghulu mujh mein
taghayyuraat-e-jahan dil pe kya asar karte
hai teri ab bhi wahi shakl hu-ba-hu mujh mein
rafugaron ne ajab taba-azmai ki
rahi sire se na gunjaish-e-rafu mujh mein
wo jis ke samne meri zaban nahin khulti
usi ke sath to hoti hai guftugu mujh mein
KHuda kare ki use dil ka rasta mil jae
bhaTak rahi hai koi chap ku-ba-ku mujh mein
us ek zohra-jabin ke tufail jari hai
tamam zohra-jabinon ki justuju mujh mein
nahin pasand mujhe sher-o-shaeri karna
kabhi-kabhaar bas uThti hai ek hu mujh mein
main zindagi hun mujhe is qadar na chah 'shuur'
musafirana iqamat-guzin hai tu mujh mein
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
