ye KHushi kya hai ki hai zikr hamara hota

ye ḳhushī kyā hai ki hai zikr hamārā hotā

hote ham aur hameñ baat kā yaarā hotā

va.ada-e-vasl na hotā to ham aise bhī na the

ki hameñ hijr meñ marnā na gavārā hotā

dard-e-dil meñ nahīñ jaatī suḳhan-ārā.ī pesh

kaash ye qissa-e-askandar-o-dārā hotā

dete dastak to vo āzurda na hotā 'nāzim'

naam le kar use dar par na pukārā hotā

ye KHushi kya hai ki hai zikr hamara hota

hote hum aur hamein baat ka yara hota

wada-e-wasl na hota to hum aise bhi na the

ki hamein hijr mein marna na gawara hota

dard-e-dil mein nahin jati suKHan-arai pesh

kash ye qissa-e-askandar-o-dara hota

dete dastak to wo aazurda na hota 'nazim'

nam le kar use dar par na pukara hota