ye kis ki aarzu dil-e-shorida-sar mein hai

ye kis kī aarzū dil-e-shorīda-sar meñ hai

duniyā ḳhayāl meñ hai na uqbā nazar meñ hai

dil ko hai un ke va.ada-e-fardā pe e'tibār

ab tak fareb-e-gardish-e-shām-o-sahar meñ hai

kyā kījiye shikāyat-e-hirmāñ ki ham-nafas

ik mauj-e-infi.āl kisī kī nazar meñ hai

rukte nahīñ haiñ pā-e-jihat-āshnā kahīñ

manzil bhī ek sang-e-nishāñ rahguzar meñ hai

unvāñ kahūñ ki 'rāz' use jān-e-dāstāñ

ik ashk-e-muztarib jo abhī chashm-e-tar meñ hai

ye kis ki aarzu dil-e-shorida-sar mein hai

duniya KHayal mein hai na uqba nazar mein hai

dil ko hai un ke wada-e-farda pe e'tibar

ab tak fareb-e-gardish-e-sham-o-sahar mein hai

kya kijiye shikayat-e-hirman ki ham-nafas

ek mauj-e-infial kisi ki nazar mein hai

rukte nahin hain pa-e-jihat-ashna kahin

manzil bhi ek sang-e-nishan rahguzar mein hai

unwan kahun ki 'raaz' use jaan-e-dastan

ek ashk-e-muztarib jo abhi chashm-e-tar mein hai