ye kis ne bagh se us shaKHs ko bula liya hai

ye kis ne baaġh se us shaḳhs ko bulā liyā hai

parind uḌ ga.e peḌoñ ne muñh banā liyā hai

use patā thā maiñ chhūne meñ vaqt letā huuñ

so us ne vasl kā daurāniya baḌhā liyā hai

ye raat naam nahīñ le rahī thī kaTne kā

charāġh joḌ ke logoñ ne din banā liyā hai

daraḳht chhāoñ se haT kar bhī aur bahut kuchh hai

ye kaisī chiiz thī aur ham ne kaam kyā liyā hai

khurach rahā huuñ maiñ dīvār par likhe hue naam

'ajīb tarh kī ik bebasī ne aa liyā hai

ye kis ne bagh se us shaKHs ko bula liya hai

parind uD gae peDon ne munh bana liya hai

use pata tha main chhune mein waqt leta hun

so us ne wasl ka dauraniya baDha liya hai

ye raat nam nahin le rahi thi kaTne ka

charagh joD ke logon ne din bana liya hai

daraKHt chhaon se haT kar bhi aur bahut kuchh hai

ye kaisi chiz thi aur hum ne kaam kya liya hai

khurach raha hun main diwar par likhe hue nam

'ajib tarh ki ek bebasi ne aa liya hai