یہ میں جو تیرا ہو کر بھی ترے جیسا نہیں لگتا

یہ میں جو تیرا ہو کر بھی ترے جیسا نہیں لگتا

شریک حسن ہوں اور شرک کا مارا نہیں لگتا

اسی خاطر نہیں رہتی یہاں ہم زاد تنہائی

مرا کمرہ اسے درویش کا حجرہ نہیں لگتا

میں تیری گفتگو پر کس طرح پیارے یقیں کر لوں

کہ تیرے لفظ ہیں لیکن ترا لہجہ نہیں لگتا

بہت اچھا بہت اچھا بہت اچھا ہے تو لیکن

تجھے کوئی کہے اچھا مجھے اچھا نہیں لگتا

تری دلدادگی میں تو نہیں ذرہ برابر شک

مگر میں کیا کروں پیارے مجھے صدقہ نہیں لگتا

کہیں ایسا نہ ہو دھوکے سے میں اس پر قدم رکھ دوں

یہ دریا بہہ رہا ہے اور مجھے دریا نہیں لگتا