ye mera shisha-e-dil be-misal hai pyare

ye merā shīsha-e-dil be-misāl hai pyāre

dikhā.ī de hai kahāñ jitnā baal hai pyāre

har ek baat ko likhnā muhāl hai pyāre

ḳhud aa ke dekh lo jo dil kā haal hai pyāre

jahāñ se chāhā hameñ laḳht laḳht kar Daalā

binā chhurī ke ye kaisā kamāl hai pyāre

miTā do husn-e-gulistāñ ko shoḳh phūloñ ko

ho lab-kushā koī kis kī majāl hai pyāre

jhulas ke rah ga.e gulshan meñ āshiyāñ kitne

tirī bahār meñ kitnā jalāl hai pyāre

kisī kā ḳhuun 'adālat meñ phir huā hogā

sutūn-e-dār-o-rasan laal laal hai pyāre

kahāñ kisī kī bhī sūrat dikhā.ī detī hai

har aa.ine meñ to terā jamāl hai pyāre

har ek saañs hai anfās-e-bāz-pas kī tarah

nizām-e-dam meñ damā-dam vabāl hai pyāre

vo aa ke lauT ga.e merī DevḌhī se 'sahar'

sukūn-e-dil ke liye nek-fāl hai pyāre

ye mera shisha-e-dil be-misal hai pyare

dikhai de hai kahan jitna baal hai pyare

har ek baat ko likhna muhaal hai pyare

KHud aa ke dekh lo jo dil ka haal hai pyare

jahan se chaha hamein laKHt laKHt kar Dala

bina chhuri ke ye kaisa kamal hai pyare

miTa do husn-e-gulistan ko shoKH phulon ko

ho lab-kusha koi kis ki majal hai pyare

jhulas ke rah gae gulshan mein aashiyan kitne

teri bahaar mein kitna jalal hai pyare

kisi ka KHun 'adalat mein phir hua hoga

sutun-e-dar-o-rasan lal lal hai pyare

kahan kisi ki bhi surat dikhai deti hai

har aaine mein to tera jamal hai pyare

har ek sans hai anfas-e-baz-pas ki tarah

nizam-e-dam mein dama-dam wabaal hai pyare

wo aa ke lauT gae meri DewDhi se 'sahar'

sukun-e-dil ke liye nek-fal hai pyare