ye nahin hai ki mujhe teri nazar yaad nahin

ye nahīñ hai ki mujhe terī nazar yaad nahīñ

us ne kyā mujh se kahā thā ye magar yaad nahīñ

be-niyāzī ye nahīñ gum-shudagī hai ai dost

ki mujhe rabt-e-qadīm-e-dar-o-sar yaad nahīñ

vahī shor-e-arinī aur vahī bebākī-e-shauq

ki mohabbat ko agar aur magar yaad nahīñ

dil-e-ḳhud-kām hai āsūda-e-aish-e-manzil

use dil-sozī-e-yārān-e-safar yaad nahīñ

haa.e ye gum-shudagī ruuh kī taqdīr meñ thī

aaj pūchho ki kahāñ ghar hai to ghar yaad nahīñ

dīdanī hai ye sarāsīmgī-e-dīda-e-shauq

ki tire dar pe khaḌe haiñ tirā dar yaad nahīñ

zindagī kyā hai faqat ek junūn-e-raftār

ki safar meñ haiñ magar vaj.h-e-safar yaad nahīñ

phir vahī shauq kī bebāk-ḳhirāmī 'rizvī'

saḳhtiyāñ raah kī ai mard-e-safar yaad nahīñ

ye nahin hai ki mujhe teri nazar yaad nahin

us ne kya mujh se kaha tha ye magar yaad nahin

be-niyazi ye nahin gum-shudagi hai ai dost

ki mujhe rabt-e-qadim-e-dar-o-sar yaad nahin

wahi shor-e-arini aur wahi bebaki-e-shauq

ki mohabbat ko agar aur magar yaad nahin

dil-e-KHud-kaam hai aasuda-e-aish-e-manzil

use dil-sozi-e-yaran-e-safar yaad nahin

hae ye gum-shudagi ruh ki taqdir mein thi

aaj puchho ki kahan ghar hai to ghar yaad nahin

didani hai ye sarasimgi-e-dida-e-shauq

ki tere dar pe khaDe hain tera dar yaad nahin

zindagi kya hai faqat ek junun-e-raftar

ki safar mein hain magar wajh-e-safar yaad nahin

phir wahi shauq ki bebak-KHirami 'rizwi'

saKHtiyan rah ki ai mard-e-safar yaad nahin