ye nahin pahle teri yaad se nisbat kam thi
ye nahīñ pahle tirī yaad se nisbat kam thī
mājrā ye thā ki ehsās meñ shiddat kam thī
kis liye chhīn liyā to ne ġhazāloñ kā sukūn
is ḳharābe ke liye kyā mirī vahshat kam thī
vaise bhī us se koī rabt na rakkhā maiñ ne
yuuñ bhī duniyā meñ kashish terī ba-nisbat kam thī
tere kirdār ko itnā to sharaf hāsil hai
tū nahīñ thā to kahānī meñ haqīqat kam thī
ham to us vaqt bhī raushan the kisī goshe meñ
jab zamāne ko charāġhoñ kī zarūrat kam thī
ye nahin pahle teri yaad se nisbat kam thi
majra ye tha ki ehsas mein shiddat kam thi
kis liye chhin liya to ne ghazalon ka sukun
is KHarabe ke liye kya meri wahshat kam thi
waise bhi us se koi rabt na rakkha main ne
yun bhi duniya mein kashish teri ba-nisbat kam thi
tere kirdar ko itna to sharaf hasil hai
tu nahin tha to kahani mein haqiqat kam thi
hum to us waqt bhi raushan the kisi goshe mein
jab zamane ko charaghon ki zarurat kam thi
- Book : Rat jage (Pg. 71)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
