ye nim-baz teri ankhDiyon ke maiKHane

ye nīm-bāz tirī añkhḌiyoñ ke maiḳhāne

nazar mile to chhalak jaa.eñ dil ke paimāne

kahīñ kalī ne tabassum kā raaz samjhā hai

jo ḳhud chaman hai vo apnī bahār kyā jaane

ajab nahīñ jo mohabbat mujhe samajh na sake

vo ajnabī huuñ jise ziist bhī na pahchāne

jo hosh meñ thā to koī na mai-ba-jām aayā

bahak gayā huuñ to duniyā chalī hai samjhāne

fareb-e-mashriq-o-maġhrib haiñ rahravān-e-jadīd

ye bad-nasīb na aaqil hue na dīvāne

vo zinda hai jo bahe mauj vaqt kī rau meñ

vo zinda-tar hai jo tūfāñ meñ Thernā jaane

maiñ apnī bazm se itnā hī duur huuñ ki 'nushūr'

mirī navāoñ se kuchh āshnā haiñ begāne

ye nim-baz teri ankhDiyon ke maiKHane

nazar mile to chhalak jaen dil ke paimane

kahin kali ne tabassum ka raaz samjha hai

jo KHud chaman hai wo apni bahaar kya jaane

ajab nahin jo mohabbat mujhe samajh na sake

wo ajnabi hun jise zist bhi na pahchane

jo hosh mein tha to koi na mai-ba-jam aaya

bahak gaya hun to duniya chali hai samjhane

fareb-e-mashriq-o-maghrib hain rahrawan-e-jadid

ye bad-nasib na aaqil hue na diwane

wo zinda hai jo bahe mauj waqt ki rau mein

wo zinda-tar hai jo tufan mein Therna jaane

main apni bazm se itna hi dur hun ki 'nushur'

meri nawaon se kuchh aashna hain begane