ye qarz-e-kaj-kulahi kab talak ada hoga

ye qarz-e-kaj-kulahī kab talak adā hogā

tabāh ho to ga.e haiñ ab aur kyā hogā

yahāñ tak aa.ī hai biphre hue lahū kī sadā

hamāre shahr meñ kyā kuchh nahīñ huā hogā

ġhubār-e-kūcha-e-va.ada bikhartā jaatā hai

ab aage apne bikharne kā silsila hogā

sadā lagā.ī to pursān-e-hāl koī na thā

gumān thā ki har ik shaḳhs ham-navā hogā

kabhī kabhī to vo āñkheñ bhī sochtī hoñgī

bichhaḌ ke rañg se ḳhvāboñ kā haal kyā hogā

huā hai yuuñ bhī ki ik umr apne ghar na ga.e

ye jānte the koī raah dekhtā hogā

abhī to dhund meñ lipTe hue haiñ sab manzar

tum aaoge to ye mausam badal chukā hogā

ye qarz-e-kaj-kulahi kab talak ada hoga

tabah ho to gae hain ab aur kya hoga

yahan tak aai hai biphre hue lahu ki sada

hamare shahr mein kya kuchh nahin hua hoga

ghubar-e-kucha-e-wada bikharta jata hai

ab aage apne bikharne ka silsila hoga

sada lagai to pursan-e-haal koi na tha

guman tha ki har ek shaKHs ham-nawa hoga

kabhi kabhi to wo aankhen bhi sochti hongi

bichhaD ke rang se KHwabon ka haal kya hoga

hua hai yun bhi ki ek umr apne ghar na gae

ye jaante the koi rah dekhta hoga

abhi to dhund mein lipTe hue hain sab manzar

tum aaoge to ye mausam badal chuka hoga