ye raste mein jo shab khaDi hai haTa raha hun muaf karna

ye rāste meñ jo shab khaḌī hai haTā rahā huuñ muaaf karnā

baġhair ijāzat maiñ din ko bastī meñ lā rahā huuñ muaaf karnā

zamīn banjar thī tum se pahle pahāḌ ḳhāmosh dasht ḳhālī

kahāniyo meñ tumheñ kahānī sunā rahā huuñ muaaf karnā

kuchh itne kal jam.a ho ga.e haiñ ki aaj kam paḌtā jā rahā hai

maiñ in parindoñ ko apnī chhat se uḌā rahā huuñ muaaf karnā

ye be-yaqīnī ajab nasha hai ye be-nishānī ajab sakūñ hai

maiñ in añdheroñ ko raushnī se bachā rahā huuñ muaaf karnā

inheñ sitāroñ ke sab latā.if sunā chukā huuñ hañsī hañsī meñ

aur ab charāġhoñ se apnā dāman bachā rahā huuñ muaaf karnā

mujhe batāne kā fā.eda kyā makīn kyā the makān kyā haiñ

maiñ us galī se na aa rahā huuñ na jā rahā huuñ muaaf karnā

ye raste mein jo shab khaDi hai haTa raha hun muaf karna

baghair ijazat main din ko basti mein la raha hun muaf karna

zamin banjar thi tum se pahle pahaD KHamosh dasht KHali

kahaniyo mein tumhein kahani suna raha hun muaf karna

kuchh itne kal jama ho gae hain ki aaj kam paDta ja raha hai

main in parindon ko apni chhat se uDa raha hun muaf karna

ye be-yaqini ajab nasha hai ye be-nishani ajab sakun hai

main in andheron ko raushni se bacha raha hun muaf karna

inhen sitaron ke sab lataif suna chuka hun hansi hansi mein

aur ab charaghon se apna daman bacha raha hun muaf karna

mujhe batane ka faeda kya makin kya the makan kya hain

main us gali se na aa raha hun na ja raha hun muaf karna