ye raat aaKHiri lori sunane wali hai
ye raat āḳhirī lorī sunāne vaalī hai
maiñ thak chukā huuñ mujhe niiñd aane vaalī hai
hañsī mazāq kī bāteñ yahīñ pe ḳhatm huiiñ
ab is ke ba.ad kahānī rulāne vaalī hai
akelā maiñ hī nahīñ jā rahā huuñ bastī se
ye raushnī bhī mire saath jaane vaalī hai
jo naqsh ham ne banā.e the sirf vo hī nahīñ
havā-e-dasht hameñ bhī miTāne vaalī hai
abhī to koī bhī nām-o-nishāñ nahīñ us kā
hameñ jo mauj kināre lagāne vaalī hai
har ek shaḳhs kā ye haal hai ki jaise yahāñ
zamīn āḳhirī chakkar lagāne vaalī hai
ye raat aaKHiri lori sunane wali hai
main thak chuka hun mujhe nind aane wali hai
hansi mazaq ki baaten yahin pe KHatm huin
ab is ke baad kahani rulane wali hai
akela main hi nahin ja raha hun basti se
ye raushni bhi mere sath jaane wali hai
jo naqsh hum ne banae the sirf wo hi nahin
hawa-e-dasht hamein bhi miTane wali hai
abhi to koi bhi nam-o-nishan nahin us ka
hamein jo mauj kinare lagane wali hai
har ek shaKHs ka ye haal hai ki jaise yahan
zamin aaKHiri chakkar lagane wali hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
