ye raat kash isi dilkashi se Dhalti rahe
ye raat kaash isī dilkashī se Dhaltī rahe
ufuq ke paas pahāḌoñ meñ aag jaltī rahe
darāz-tar ho ḳhayāloñ kī bastiyoñ kā safar
mirī talāsh sadā zāviye badaltī rahe
koī charāġh na mere harīm-e-ġham meñ jale
ḳhud apnī aañch meñ ye tīrgī pighaltī rahe
shikasta ho ke bhī naumīd ho na dil terā
bujhe charāġh meñ bhī raushnī machaltī rahe
safīne Duub ga.e kitne dil ke sāgar meñ
ḳhudā kare tirī yādoñ kī naav chaltī rahe
ye raat kash isi dilkashi se Dhalti rahe
ufuq ke pas pahaDon mein aag jalti rahe
daraaz-tar ho KHayalon ki bastiyon ka safar
meri talash sada zawiye badalti rahe
koi charagh na mere harim-e-gham mein jale
KHud apni aanch mein ye tirgi pighalti rahe
shikasta ho ke bhi naumid ho na dil tera
bujhe charagh mein bhi raushni machalti rahe
safine Dub gae kitne dil ke sagar mein
KHuda kare teri yaadon ki naw chalti rahe
- Book : Pakistani Adab (Pg. 424)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
