ye rah-e-ishq hai is rah pe gar jaega tu

ye rah-e-ishq hai is raah pe gar jā.egā tū

ek dīvār khaḌī hogī jidhar jā.egā tū

shor-e-duniyā ko to sun rañg-e-rah-e-yār to dekh

ham jahāñ ḳhaak uḌāte haiñ udhar jā.egā tū

dar-ba-dar hai to kahīñ jī nahīñ lagtā hogā

vo bhī din aa.egā thak-hār ke ghar jā.egā tū

āzim-e-hijr-e-musalsal huā is miTTī se

lauT aa.egā yahīñ aur kidhar jā.egā tū

jaan jā.egā ki manzil nahīñ maujūd kahīñ

ḳhush-gumāñ hai abhī sargarm-e-safar jā.egā tū

aarzū rakh use paane kī koī roz abhī

phir yahīñ bām-e-tamannā se utar jā.egā tū

ye jo tūfān tire gird hai dīvāngī kā

ik zarā tez huā aur bikhar jā.egā tū

kārvāñ rad huā aur chup huī āvāz-e-jaras

kyā ab us samt ko tā-hadd-e-nazar jā.egā tū

ab kahāñ ḳhvāb-e-mohabbat ki vo shab duur nahīñ

jab kahīñ ḳhāk-bharī niiñd se bhar jā.egā tū

ye rah-e-ishq hai is rah pe gar jaega tu

ek diwar khaDi hogi jidhar jaega tu

shor-e-duniya ko to sun rang-e-rah-e-yar to dekh

hum jahan KHak uDate hain udhar jaega tu

dar-ba-dar hai to kahin ji nahin lagta hoga

wo bhi din aaega thak-haar ke ghar jaega tu

aazim-e-hijr-e-musalsal hua is miTTi se

lauT aaega yahin aur kidhar jaega tu

jaan jaega ki manzil nahin maujud kahin

KHush-guman hai abhi sargarm-e-safar jaega tu

aarzu rakh use pane ki koi roz abhi

phir yahin baam-e-tamanna se utar jaega tu

ye jo tufan tere gird hai diwangi ka

ek zara tez hua aur bikhar jaega tu

karwan rad hua aur chup hui aawaz-e-jaras

kya ab us samt ko ta-hadd-e-nazar jaega tu

ab kahan KHwab-e-mohabbat ki wo shab dur nahin

jab kahin KHak-bhari nind se bhar jaega tu