ye rang-o-bu hain kuchh din ke nazaron ka bharosa kya

ye rang-o-bū haiñ kuchh din ke nazāroñ kā bharosa kyā

bahāreñ kal kahāñ hoñgī bahāroñ kā bharosā kyā

na itrānā ki hai tum ko mayassar dāman-e-sāhil

kināre TuuT jaate haiñ kināroñ kā bharosā kyā

ham apnī zaat hī ko anjuman taslīm karte haiñ

idāre TuuT jaate haiñ idāroñ kā bharosā kyā

zamāne meñ nahīñ anjām achchhā sar uThāne kā

sitāre TuuT jaate haiñ sitāroñ kā bharosā kyā

'nasīm' is darja faḳhr achchhā nahīñ yārān-e-mahfil par

sahāre TuuT jaate haiñ sahāroñ kā bharosā kyā

ye rang-o-bu hain kuchh din ke nazaron ka bharosa kya

bahaaren kal kahan hongi bahaaron ka bharosa kya

na itrana ki hai tum ko mayassar daman-e-sahil

kinare TuT jate hain kinaron ka bharosa kya

hum apni zat hi ko anjuman taslim karte hain

idare TuT jate hain idaron ka bharosa kya

zamane mein nahin anjam achchha sar uThane ka

sitare TuT jate hain sitaron ka bharosa kya

'nasim' is darja faKHr achchha nahin yaran-e-mahfil par

sahaare TuT jate hain sahaaron ka bharosa kya