ye saneha bhi ajab ho gaya hai raste mein
ye sāneha bhī ajab ho gayā hai raste meñ
jo rahnumā thā vahī kho gayā hai raste meñ
kisī bhī ābla-pā ko na mil sakī taskīn
ajiib ḳhaar koī bo gayā hai raste meñ
itāb-e-jāñ huī gard-e-safar kisī ke liye
kisī ko abr-e-karam dho gayā hai raste meñ
hudī kī lai karo maddham ai qāfile vaalo
thakan se chuur koī so gayā hai raste meñ
musāfirān-e-vafā kī koī ḳhabar na milī
na jaane kaun kidhar ko gayā hai raste meñ
rahegā saath kahāñ tak ye dekhnā hai mujhe
vo ham-suḳhan to mirā ho gayā hai raste meñ
ye saneha bhi ajab ho gaya hai raste mein
jo rahnuma tha wahi kho gaya hai raste mein
kisi bhi aabla-pa ko na mil saki taskin
ajib KHar koi bo gaya hai raste mein
itab-e-jaan hui gard-e-safar kisi ke liye
kisi ko abr-e-karam dho gaya hai raste mein
hudi ki lai karo maddham ai qafile walo
thakan se chur koi so gaya hai raste mein
musafiran-e-wafa ki koi KHabar na mili
na jaane kaun kidhar ko gaya hai raste mein
rahega sath kahan tak ye dekhna hai mujhe
wo ham-suKHan to mera ho gaya hai raste mein
- Book : Nai Rut Ka Safar (Pg. 35)
- Author : Abdul Wahab Sukhan
- Publication : Mishkaat Printer, Aligrah (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
