ye shaKH-e-sabz jo pili hui hai

ye shāḳh-e-sabz jo piilī huī hai

har ik mausam meñ tabdīlī huī hai

huī hai shaḳhsiyat be-āb apnī

faqat poshāk bhaḌkīlī huī hai

kiyā jab bhī nazar-andāz ġham ko

giraft-e-ġham bahut Dhīlī huī hai

lagī hai aag jab bhī jhoñpaḌī meñ

to dushman ek ik tiilī huī hai

har ik āzād hai pāband sā kuchh

ghaTāoñ meñ havā siilī huī hai

barahna-pā chalā jab se 'munavvar'

to ik ik chiiz nokīlī huī hai

ye shaKH-e-sabz jo pili hui hai

har ek mausam mein tabdili hui hai

hui hai shaKHsiyat be-ab apni

faqat poshak bhaDkili hui hai

kiya jab bhi nazar-andaz gham ko

giraft-e-gham bahut Dhili hui hai

lagi hai aag jab bhi jhonpaDi mein

to dushman ek ek tili hui hai

har ek aazad hai paband sa kuchh

ghaTaon mein hawa sili hui hai

barahna-pa chala jab se 'munawwar'

to ek ek chiz nokili hui hai