ye shahr-e-dil jo koi shahr-e-arzu bhi nahin

ye shahr-e-dil jo koī shahr-e-ārzū bhī nahīñ

bhaTak rahe haiñ magar terī justujū bhī nahīñ

ham ahl-e-dard kareñ kyā kahīñ jo mil baiTheñ

tire sivā koī mauzū'-e-guftugū bhī nahīñ

varaq-varaq pe abhī tak to ḳhuuñ se she'r likhe

qalam hai ḳhushk ki ab jism meñ lahū bhī nahīñ

hameñ akelā nahīñ chhoḌtā ghaḌī-bhar ko

vo ek shaḳhs ki jo aaj rū-barū bhī nahīñ

ye kaise phuul sar-e-shāḳh-e-dil khile haiñ 'qamar'

ki jin meñ rang bhī koī nahīñ hai bū bhī nahīñ

ye shahr-e-dil jo koi shahr-e-arzu bhi nahin

bhaTak rahe hain magar teri justuju bhi nahin

hum ahl-e-dard karen kya kahin jo mil baiThen

tere siwa koi mauzu'-e-guftugu bhi nahin

waraq-waraq pe abhi tak to KHun se she'r likhe

qalam hai KHushk ki ab jism mein lahu bhi nahin

hamein akela nahin chhoDta ghaDi-bhar ko

wo ek shaKHs ki jo aaj ru-baru bhi nahin

ye kaise phul sar-e-shaKH-e-dil khile hain 'qamar'

ki jin mein rang bhi koi nahin hai bu bhi nahin