ye shahr-e-tarab dekh bayaban mein kya hai
ye shahr-e-tarab dekh bayābān meñ kyā hai
ai tā.ir-e-vahshat tire imkān meñ kyā hai
jugnū kī tarah phirte haiñ taare mire dil meñ
kis soch meñ gum huuñ ye mire dhyān meñ kyā hai
kyā un pe guzartī hai suno un kī zabānī
zaḳhmoñ se kabhī pūchho namak-dān meñ kyā hai
inkār se iqrār kā rishta hai bhalā kyā
ye kufr kī sūrat mire īmān meñ kyā hai
yādoñ kī ghanī chhāñv hai yā ġham kī siyāhī
ashjār-sifat sehan-e-dil-o-jān meñ kyā hai
ye shahr-e-tarab dekh bayaban mein kya hai
ai tair-e-wahshat tere imkan mein kya hai
jugnu ki tarah phirte hain tare mere dil mein
kis soch mein gum hun ye mere dhyan mein kya hai
kya un pe guzarti hai suno un ki zabani
zaKHmon se kabhi puchho namak-dan mein kya hai
inkar se iqrar ka rishta hai bhala kya
ye kufr ki surat mere iman mein kya hai
yaadon ki ghani chhanw hai ya gham ki siyahi
ashjar-sifat sehan-e-dil-o-jaan mein kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
