ye shor-o-shar to pahle din se aadam-zad mein hai

Zulfeqar Ahmad Tabish

ye shor-o-shar to pahle din se aadam-zad mein hai

Zulfeqar Ahmad Tabish

MORE BYZulfeqar Ahmad Tabish

    ye shor-o-shar to pahle din se ādam-zād meñ hai

    ḳharābī kuchh na kuchh to is ḳhaak o baad meñ hai

    pahuñch kar us jagah ik chup lag jaatī hai mujh ko

    maqām ik is tarah bhī mirī rūdād meñ hai

    ajab ik be-kalī mere jism-o-jān meñ hai

    sifat sīmāb mujh paikar-e-azdād meñ hai

    ye shīsha-ghar abhī tak arsa-e-takmīl meñ hai

    ye ḳhvāb-e-ḳhūbsūrat mo.ariz-e-ījād meñ hai

    maiñ jitnā uTh rahā huuñ aur jhuktā rahā huuñ

    kajī dar-asl avval se mirī buniyād meñ hai

    zamāna yuuñ nahīñ jaise dikhā.ī de rahā hai

    ḳharābī koī māh-o-sāl ta.adād meñ hai

    tarīq-e-ishq meñ koī ḳharābī aa ga.ī hai

    koī bad-sūratī is tarz-e-nau-ījād meñ hai

    ye naqsh-e-ḳhushnumā dar-asl naqsh-e-ājizī hai

    ki asl-e-husn to andesha-e-bahzād meñ hai

    yahāñ jo aa gayā ik baar phir jaatā nahīñ hai

    kashish aisī kuchh is shahr-e-sitam-ījād meñ hai

    vo jo kahte rahe us gavāhī mil rahī hai

    ye saarī guftugū un raftagāñ yaad meñ hai

    ye jitnā hai kahīñ us se ziyāda bhed meñ hai

    tilism is dahr poshīda haft-ib.ād meñ hai

    ye shor-o-shar to pahle din se aadam-zad mein hai

    KHarabi kuchh na kuchh to is ki KHak o baad mein hai

    pahunch kar us jagah ek chup si lag jati hai mujh ko

    maqam ek is tarah ka bhi meri rudad mein hai

    ajab ek be-kali si mere jism-o-jaan mein hai

    sifat simab ki mujh paikar-e-azdad mein hai

    ye shisha-ghar abhi tak arsa-e-takmil mein hai

    ye KHwab-e-KHubsurat moariz-e-ijad mein hai

    main jitna uTh raha hun aur jhukta ja raha hun

    kaji dar-asl awwal se meri buniyaad mein hai

    zamana yun nahin jaise dikhai de raha hai

    KHarabi koi mah-o-sal ki tadad mein hai

    tariq-e-ishq mein koi KHarabi aa gai hai

    koi bad-surati is tarz-e-nau-ijad mein hai

    ye naqsh-e-KHushnuma dar-asl naqsh-e-ajizi hai

    ki asl-e-husn to andesha-e-bahzad mein hai

    yahan jo aa gaya ek bar phir jata nahin hai

    kashish aisi kuchh is shahr-e-sitam-ijad mein hai

    wo jo kahte rahe us ki gawahi mil rahi hai

    ye sari guftugu un raftagan ki yaad mein hai

    ye jitna hai kahin us se ziyaada bhed mein hai

    tilism is dahr ka poshida haft-ibaad mein hai

    Source :
    • Book : Pakistani Adab (Pg. 463)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY