ye siska bhi ye roya bhi mujhe is dil pe hairat hai

ye siskā bhī ye royā bhī mujhe is dil pe hairat hai

ye TuuTā bhī ye bikhrā bhī mujhe is dil pe hairat hai

ye soz-e-jāñ diye jis ne usī ke naam par ab bhī

ye machlā bhī ye dhaḌkā bhī mujhe is dil pe hairat hai

mirī nīñdoñ kā jo bairī usī kam-lutf kī ḳhātir

ye tarsā bhī ye jaagā bhī mujhe is dil pe hairat hai

mujhe sahrā kiyā jis ne usī par TuuT kar pāgal

ye mahkā bhī ye barsā bhī mujhe is dil pe hairat hai

ajab ik be-mehr hai vo magar us kī himāyat meñ

ye bolā bhī ye rūThā bhī mujhe is dil pe hairat hai

ġhazab sho.ala-bayāñ hai vo magar us kī sabhī bāteñ

ye suntā bhī ye sahtā bhī mujhe is dil pe hairat hai

sabhī gustāḳhiyāñ us kī ḳhushī se bhuul jaatā hai

ye kamlā bhī ye paglā bhī mujhe is dil pe hairat hai

parā.ī is kī āñkheñ haiñ magar un ke liye har din

ye nikhrā bhī ye sañvarā bhī mujhe is dil pe hairat hai

ye siska bhi ye roya bhi mujhe is dil pe hairat hai

ye TuTa bhi ye bikhra bhi mujhe is dil pe hairat hai

ye soz-e-jaan diye jis ne usi ke nam par ab bhi

ye machla bhi ye dhaDka bhi mujhe is dil pe hairat hai

meri nindon ka jo bairi usi kam-lutf ki KHatir

ye tarsa bhi ye jaga bhi mujhe is dil pe hairat hai

mujhe sahra kiya jis ne usi par TuT kar pagal

ye mahka bhi ye barsa bhi mujhe is dil pe hairat hai

ajab ek be-mehr hai wo magar us ki himayat mein

ye bola bhi ye ruTha bhi mujhe is dil pe hairat hai

ghazab shoala-bayan hai wo magar us ki sabhi baaten

ye sunta bhi ye sahta bhi mujhe is dil pe hairat hai

sabhi gustaKHiyan us ki KHushi se bhul jata hai

ye kamla bhi ye pagla bhi mujhe is dil pe hairat hai

parai is ki aankhen hain magar un ke liye har din

ye nikhra bhi ye sanwara bhi mujhe is dil pe hairat hai