ye sitam ek KHwahish-e-mauhum par

ye sitam ik ḳhvāhish-e-mauhūm par

lutf farmā ḳhātir-e-maġhmūm par

ai masarrat mere ġham-ḳhāne se duur

ye girānī aur mire maqsūm par

pursish-e-hālāt-e-ġham se darguzar

rahm farmā ab dil-e-marhūm par

banda-parvar sirf itnī arz thī

farz kuchh ḳhādim ke haiñ maḳhdūm par

sabr kartī hī rahī be-chārgī

zulm hotā hī rahā mazlūm par

kyā mubassir dīda-e-ḳhūñ-bār thā

tabsira kartā rahā maqsūm par

ik tabassum thā javāb-e-ārzū

vus.ateñ qurbāñ huiiñ mafhūm par

ibtidā-e-ġham kī dūr-andeshiyāñ

shaad hoñ anjām-e-nā-ma.alūm par

aaj tak 'akbar' huuñ maiñ sābit-qadam

jāda-e-ḳhuddārī-e-mauhūm par

ye sitam ek KHwahish-e-mauhum par

lutf farma KHatir-e-maghmum par

ai masarrat mere gham-KHane se dur

ye girani aur mere maqsum par

pursish-e-haalat-e-gham se darguzar

rahm farma ab dil-e-marhum par

banda-parwar sirf itni arz thi

farz kuchh KHadim ke hain maKHdum par

sabr karti hi rahi be-chaargi

zulm hota hi raha mazlum par

kya mubassir dida-e-KHun-bar tha

tabsira karta raha maqsum par

ek tabassum tha jawab-e-arzu

wusaten qurban huin mafhum par

ibtida-e-gham ki dur-andeshiyan

shad hon anjam-e-na-malum par

aaj tak 'akbar' hun main sabit-qadam

jada-e-KHuddari-e-mauhum par