ye tera bankpan ye ranai
ye tirā bāñkpan ye ra.anā.ī
rashk-e-mahtāb terī zebā.ī
husn terā ajab karishma hai
ek aalam banā tamāshā.ī
yaad aayā mujhe badan terā
duur qaus-e-quzah jo lahrā.ī
jab se sham-e-vafā jalā.ī hai
anjuman ban ga.ī hai tanhā.ī
yuuñ guzarte haiñ dekh kar mujh ko
jaise mujh se nahīñ shanāsā.ī
diip yādoñ ke jal hī jaate haiñ
chheḌ detī hai jab bhī purvā.ī
nashtar-e-ġham na jis ko raas aayā
ziist us ko kabhī na raas aa.ī
ek rū-e-hasīñ nazar aayā
ab charāġhoñ meñ raushnī aa.ī
ishq kī ḳhud-supurdagī dekhī
ḳhud tamāshā banā tamāshā.ī
ye tera bankpan ye ranai
rashk-e-mahtab teri zebai
husn tera ajab karishma hai
ek aalam bana tamashai
yaad aaya mujhe badan tera
dur qaus-e-quzah jo lahrai
jab se sham-e-wafa jalai hai
anjuman ban gai hai tanhai
yun guzarte hain dekh kar mujh ko
jaise mujh se nahin shanasai
dip yaadon ke jal hi jate hain
chheD deti hai jab bhi purwai
nashtar-e-gham na jis ko ras aaya
zist us ko kabhi na ras aai
ek ru-e-hasin nazar aaya
ab charaghon mein raushni aai
ishq ki KHud-supurdagi dekhi
KHud tamasha bana tamashai
- Book : Pakistani Adab (Pg. 330)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
